ഭാഷ

കടപ്പുറം സുന്ദരമാണെന്ന്

ആർക്കാണറിയാത്തത്

വെള്ളിമണൽ

ഇളകി മറിയുന്ന

കടലിന്റെ സംഗീതം

രുചികരമായ മത്സ്യങ്ങൾ

സന്ധ്യകളിലെ

മനോഹരമായ നിറക്കൂട്ട്‌..

പക്ഷേ ;

അവസാനം ഞാൻ ആജ്ഞാപിച്ചു

നിന്റെ കടപ്പുറം ഭാഷ വേണ്ട

രുചികരമായ ഭക്ഷണം

തീൻ മേശ മേൽ നിരന്നാൽ

വീണ്ടും ഞാൻ അവളോട് തട്ടിക്കയറും

നിന്റെ അടുക്കള ഭാഷ വേണ്ടാ

പൊൻ മേടകൾ നിർമ്മിച്ച

തൊഴിലാളികളെ

ഞാൻ വിളിച്ചത് ചെറ്റകളെന്നാണ് ..

(2000 ത്തില്‍ എഴുതിയത് )